libro a managadu

rugiak man met ita ti agipanablaag maipapan kadagiti gatgatangek, basbasaek a libro, dagiti adda iti reading list ken wish listko a libro, dagit koleksionko a libro (a printed ken digital wenno ebook).

idi naminsan nga aldaw, naidagasak iti maysa nga educational supply store ditoy tuguegarao nga adda lakona a second hand books. diak manen nasarkedan ti di nagbiding. ken ti di gimmatang.

adda uppat a bitbitko a naisupot a libro idi rimmuarak iti pagtagilakuan. suerte ta hardbound ita ti nasarakak ken nalaka:

• masterpieces of fantasy and wonder, compiled by david g. hartwell (php50 lang)
• nebula award stories four, edited by poul anderson (php39)
• the arabian nights, selected and edited by padraic colum (php39)
• god emperor of dune, ni frank herbert (php39)

hu, adda manen wara iti bassit a balaymi nga agbelbel-an iti kaadu dagiti agkaiwara a libro ta awanen pagikkan a kabinet.

aggatgatangak met itan kadagiti fantasy books ken uray children's literature. ken science fiction, ta bigla ken napigsa ti interesko ita iti science fiction. isu a naragsakanak unay idi makitak dayta nobela ni frank herbert, bale isu dayta "god emperor of dune" ti pasarunsunna, ti maikapat iti trilohiana a "dune," "dune messiah," ken "children of dune" a nabayag a sinapsapulko kadagiti second hand bookshop ditoy tuguegarao sakbay a nakompletok a naala amin a tallo a libro (adda ebook versionna kaniakon a nabayagen dagita, ngem natural awan dumana 'tay printed a kopia a libro nga uk-ukagem). mabiitkon a malpas ti "children of dune" ket mayat ta isarunokton a dagus daytoy kaggatangko a "god emperor."

adda pay, a, ketdi nakitak a hardbound a "cosmos" ni carl sagan, a nabayagen a sapsapulek. ngem din' umanay ti kuarta iti bolsak isu a sublianakto laengen.

hmm, gatangak a gatang iti libro. ngem piman agpatinggaak la iti segunda mano ta isut' kaya ti bolsa. ken isu met ti adda a magatang ditoy tuguegarao ta awan met ti bookstore ditoy, awan met ti national wenno powerbooks ditoy pay.

gatangak la a gatang, diak la ket ngarud ammon ti unaen a basaen. diak pay ketdi ngaruden mabasbasa dagiti gatgatangek a libron. adun ti naurnong a pangtedko, a narugiak a basaen ngem diak napalpas. wenno diak pay narugian a basaen.

adtoy man dagiti nabiit pay a nagatangko a segunda mano a libro:

• the year's best science fiction tenth annual collection, edited by gardner dozois (hardbound, php50 lang, dandanik mabasa aminen a 24 a sarita ken novella a laonna)
• the new worlds of robert a. heinlein expanded universe (paperback, php60, uppat pay la a sarita ti nabasak iti 27 sarita ken salaysay ni heinlein)
• cancerward, ni alexander solzhenitsyn (paperback, php50, addaak pay la iti panid 20 daytoy 559 panid a libro)
• the gulag archipelago, ni solzhenitsyn (paperback, php30, preface pay la ti nabasak piman daytoy 660 panid a libro)
• the tin drum, ni günter grass (paperback, php30, diak pay narugian)
• flowers for algernon, ni daniel keyes ('tay nobela, paperback, php30, lineppasko iti tallo nga aldaw)
• my brother, ernest hemingway, ni leicester hemingway (paperback, php30, naguduakon)
• anne frank: the diary of a young girl (paperback, php30, dandanik malpasen)
• the story and its writer an introduction to fiction, ni ann charters (paperback, php180, 6 a sarita pay lat' nabasak, 60 a sarita amin ti laonna; nanginaanak iti presio ngem innalak latta ta adda ngamin commentary/analysis ti tunggal sarita)
  
• the human image in dramatic literature, ni francis ferguson (pb, php30, tallon nga essay ti binasak, napintas 'tay tratona kada eliot ken lorca ken joyce kas dramaturgos)
• the odyssey ni homer, patarus ni w.h.d. rouse (pb, php30, naguduakon, mayat, simple a panagipatarus from epical to prose)
• one two three... infinity, facts and speculations of science, ni george gamow (pb, php30, adun ti nabasak a pasetna, mayat, adut' maammuam nangruna iti fisica, astronomy, genetics ken adu pay)
• understanding media: the extensions of man, ni marshall mcluhan (pb, php50, adut' nabasakon a chapterna, sikat daytoy nga obra ni mcluhan, naynay a referencia kadagiti sukisok kada thesis maipapan iti media)
• three plays (desire under the elms, strange interlude, mourning becomes electra), ni eugene o'neil (pb, php25, diak pay narugian, basaek kunak tapno ammokton ti agsurat ti drama, diak masango; adda pay ket dagitay obra ni brecht a pangted)
• aztec, ni gary jennings (pb, php50, diak pay rinugian, maamakak iti kapuskolna, 1,038 panid a libro)
• war and remembrance, ni herman wouk (pb, php50, 20 panid sa pay lat' naiwakasko, biglaak a simmadut nga ituloy, manen maamakak iti kapuskolna, 1,382 panid a libro)
• the hero with a thousand faces, ni joseph campbell (bp, awan price tagna, baka sangagasut daytoy idi, medio adu metten a panid ti nalpasko, napintas a referencia iti panagsukisok ken panagadal iti mitolohia, antropolohia. cultura)
• ways of reading an anthology for writers, da david bartholomae ken anthony petrosky (bp, php180, pinalapalabsak lang, mayat a pagadalan dagiti agduduma a salaysay, medio nauuneg dagitoy a salaysay, diak pay la maisamira nga adalen ida)
• short story theories, edited by charles e. may (bp, php100, dandanik malpas aminen a salaysayna, mayat, adut' naadalko, adut' naitulongna kaniak, ulit-ulitek a basbasaen ken ad-adalen)

adu unayen. birokekto pay dagitay dadduma.