literatura iloko iti wikipedia

diak unay ita makapanablaag. medio busy datao.

actually, pakaringgorak daytoy nirugiak nga entry wenno articulo iti wikipedia.org maipapan iti ilokano/iloko literature. agsapsapulak kadagiti articulo a mabalin nga inayon tapno adda met naan-anay a data a maibingaytayo iti daytoy a nagpintas nga encyclopedia project a web-based. naisangsangayan a gannuat daytoy ta libre. libre nga aramaten kas referensia kdpy (no madmadlawyo, kanayon nga usarek ti wikipedia kas referencia kadagiti hotlinksko kadagiti panablaagko) , libre ti agipan, libre ti agedit/agatur/agkissay/agnayon kadagiti articulo, kdpy. uray siasino mabalinna ti mangirugi iti kayatna a topiko wenno tema wenno articulo. basta la ketdi adda pategna a pang-encyclopedia wenno kas referensia.

isu a napanunotko nga ikkan met iti bukod a page ti iloko literature. sigud ngamin a nakakabit kas sumagmamano la a tidbits daytoy a topiko iti page ti ilokano language a rinugian ken manmantenaren ni linguist christopher sundita. napagnumuananmi nga isinami iti lengguahe ti maipapan iti literatura wenno cultura ken tattao. isu, nirugiak ngarud ti literatura.

madamaak nga agsuksukisok kadagiti nasken a maipan. nakitak iti libro a "lingka" dagiti salaysay ni apo jose a. bragado maipapan iti history ti iloko literature ken gumil, ket isu ti binulodkon nga impan pay laeng (with proper credit, siempre, dinak koma ungtan, apo, ni ninong joe!)

dawatek kadakayo, appo a kakabsat ken kakadua ken gagayyem a mamannurat ken scholars iti literatura, a tulongandak koma iti daytoy a projecto. nawayakayo a mangedit, mangkorehir, mangnayon, mangkissay kadagiti naipanen sadiay. mabalin ti anonymous (agparang ketdi ti ip address ken no aniat' inaramid iti history log) ngem nasaysayaat no agrehistrokayo iti wikipedia tapno maaddaankayo iti account ket iti kasta mabalinanyo pay ti manglukat wenno mangaramid iti sabsabali nga articulo.

ket wen, kas nayon ti wikipedia iloko lit page, nangaramidak metten iti naisina nga wikipedia ilokano writers page a nangilistaak iti nagan ken ili dagiti mannurat nga ilokano. ditoy a masapul pay ti tulong ti adu tapno mapadakkel ken/wenno makompletotayo ti maysa a kapkapnekan nga ilokano writers directory. mabalinyo, appo, ti mangipan iti ammo ken am-ammoyo a mannurat nga ilokano nga awan pay iti agdama a listaan.