praktis nga agilorca

maysa man a daniw-ayat ni federico garcia lorca a pagpraktisan nga ipatarus...

Soneto ti Nasam-it a Reklamo

Dimo pulos ipalubos a mapukawko ti siddaaw
dagita kakasla estatua a matam, wenno ti dengngep
a yapros ti solitario a rosas ti sang-awmo
iti pingpingko iti rabii.

Mabutengak nga agbalin, iti daytoy nga aplaya,
a maysa nga awanan sanga a troso, pagbabawyak unay
nga awananak iti sabong, lasag, wenno daga
nga agpaay iti igges ti pannakapaayko.

No sika ti nakalemmeng a kinabaknangko,
no sika ti krusko, ti agbabasa a saemko,
no maysaak nga aso, ket sika laeng ti amok awan sabali.

Dimo pulos ipalubos a mapukawko ti naganabko,
ket arkosak dagiti sanga ti karayanmo
kadagiti bulong ti simmina a Panagregregko.

maysa kadagiti favoritok unay a mannaniw ni lorca. sabali ti panagdandaniwna. surreal. ken gothical pay. kaska la mangim-imatang kadagiti obra ni salvador dali. medio adda pagkaarngianda ken ni neruda (a nadekket a gayyemna) iti forma ken textura ti textoda, nangruna kadagiti dandaniwda maipapan iti patay. ngem naun-uneg ken nasursureal ken ni lorca no patay ti pagsasaritaan. kinapudnona, patay ti kaykayat a tema ni lorca, uray kadagiti dramana, kas koma iti "blood wedding."

ala, padasekto pay ti agipatarus iti lorca. agpraktisak pay, a.