geekmannurat

adda baro a blogko.

actually, saanen a baro gayam. nabayagen a narugian daytoy. impakdaarko idi ditoyen kas maysa pay a pagpanablaagak.

ngem binalbaliwak. pinagbalinkon daytoy a pagpanablaagak iti sabali a bambanag ngem kadagiti ikurkur-itko ditoy blogger.com.

kangrunaanna, dagitay maipapan iti computer, information technology, science ken dadduma pay a teknolohia, gadgets ken adu pay nga awan pakaikalamikamanna iti literatura ken dadduma pay a taltalanggutahek ita ditoy blogger.com.

isu a pinanaganak iti geekmannurat, daytoy baro a blagko.

addan nakakabit a geek 'diay mannurat. mannurat pay laeng ngem padasek man nga ilasin dagitay isursurat wenno pampanunotek maipapan iti maysa pay a paghiligak, computers. no geek kunam, kas inlanad ti wikipedia a maysa a definisionna, ket "a person who is interested in technology, especially computing and new media" kano. mabalin met ngata kaniak dayta. isu a geekmannurat. ngem saan la kano met a panagduyos wenno panagrukbab iti computers wenno technology ti pakaawagan iti geek. no napeklanka a mannurat, kas pagarigan, makuna a literary geekka. isu a kaniak, mabalin latta kaniak iti dua a pagduyosak.

nupay, siempre, no mannuratka ken lalo no agduyoska met iti science fiction kas kadatao, dimo maisina ti science ken technology iti kinamannuratmo ket dakkel ti maitulongna iti fiksion a putarem.

ala ngarud, ket sapay ta kanayonenyo met a sarungkaran ti geekmannurat.