julio ken bisecleta

julio man gayamen.

julio man laengen nga awan mapanunot a maibusat a maipanablaag.

aguray. kustonan san daytoy bassit a kur-it.

ta agbuya ken agbasaak man pay iti latest iti madama manen a le tour de france.

hmm, limmaban manen ni lance armstrong. no agkampeon manen ita a 2005, daytoyen ti maika-7 a panagkampeonna a nagsasaruno.

iti pakasaritaan ti tour de france, ni laeng norte americano a lance ti nakaaramid iti kastoy, namin-innem a nagsasaruno a nagkampeon itoy a kalatakan a lumba ti bisecleta iti lubong, manipud idi 1999. sa no mangabak man itan, maikapiton no kua. ket agretironto kanon kalpasan daytoy a salip. adda met nagsasaruno a nangitrangko iti korona, ngem naminlima laeng a daras, isu ni español a miguel indurain, manipud 1991 inggana 1995.

medio mahiligak met iti cycling. agsubaybay ken agbuya lang, a, iti tours, saan a makilumba wenno managbisecleta. nangrugi daytoy a hilig idi ubingak pay ta subsubaybayanmi iti transistor radio ti nalatak idi a tour of luzon sa tour of the philippines wenno idi kuan marlboro tour (ania itan?). sumalde, padilla, sicam, garcia, reynante, dolosa, quirimit, dequito, catalan, igos, buenaventura, llentada, guieb. medio malagipko pay la dagita a cycling greats.

ngem, ne, bassit la koma a kur-it daytoy.