mannurat.com mannurat.com mannurat.com mannurat.com mannurat.com mannurat.com

mannurat.com 5/17/2005

itlog

ipanablaagko man la biit daytoy...

naminsan a papanmi pannakiplasa (pannakitienda wenno pannakipalengke, plasa ti awagda iti mercado publico ditoy cagayan) ken ni baket, nakakitaak iti aglako iti itlog ti abuos wenno buos! ne, adda met gayam kastoy ditoy tuguegarao, aya, kunkunak man ket malagipko nga idiay 'yanmi diay nueva vizcaya, saan a mapakawan dagiti balay ti abuos ta no dummakkel bassiten, sunogendan nga alaen dagiti itlog ken larvae dagiti piman nga abuos. no manon a tawen a diak nakakita iti itlog ti abuos. wenno nakaraman. ubingak pay idi naudi. nalipatak pay ketdin ti ramannan, a.

isu gimmatangak ti kalalainganna. bassit laeng, pangramananan, aglalo ket nangina, ken amangan no siak met la ti mayat nga agsida ta di pay kano nakaramraman dagiti kabbalayko iti kastoy.

awan adu nga ado, inggisak lattan, a, daytoy itlog ti buosen. pinalabbaga wenno pinag-borwonko nga umuna ti bawang ken sibuyas, sako nilaokan iti bassit a nagalgalip a naluom a kamatis, sako impanen dagiti itlog ti abuos, kiwar a kiwar daytan agingga a siguradok a naluton ken medio namagan. agingga a kastoyen ti langana idi adawek:

buosS

naimas man, sika, ta nagetta. nagmayat man ti pannakapettak dagiti babassit nga itlog ken babassit pay nga abuos no inka ngalngalen nga ibulon iti inapuy! adda sabali nga angotna nga agat-abuos siempre ket nalabit alidukdukenka no naselanka wenno no damom ti agsida iti daytoy a delicacy.

not for the squeamish, hehehe!

ngem isarunokto man ditoy ti abal-abal ngarud pay! panawenna manen itan ditoy cagayan ta agtudotudon iti malem ket agruardan iti patpatalan, nupay di pay nagetta ta awan pay itlog iti tianda.

padaanan!

2 makuna:

idi 8:48 a. m., junio 20, 2005, Blogger rva nakunana...

naglaingka ket a lumuton angkay. di la mabalin ti agipaw-it dita florida, aya? hehe
asseng | 05.18.05 - 10:27 am | #

-----------------------------------

Dayta ti pudpudno nga Ilocano delicacy, gayyem RVA. nabaknang kano ket ti protein dagiti insekto a masida ta uray ni Juan Bautista iti Biblia ket dudon ti sinsindana. nakirog nga abaleng ti naramanak met idi idiay Tuao. Nananam met!
abril | 05.18.05 - 1:02 pm | #

-----------------------------------

naim-imas daydiay annak a dipay makakunail, tay kaibuang ta adda gasanggasangna, ngem ata itlog...suoram laeng iti arutang ti balayda, itayam ta aplag, ayos na abuos!

nagkatayak pay a nakangngeg iti abal-abal, yos..awan met ngamin ditoy guiobag...
iddo | 05.18.05 - 5:49 pm | #

 
idi 1:27 p. m., julio 03, 2005, Anonymous Anónimo nakunana...

sapay kuma nga umadu pay ti nalaing a lumuto as kenka gayyem...=)

 

Publicar un comentario

<< Home