mannurat.com mannurat.com mannurat.com mannurat.com mannurat.com mannurat.com

mannurat.com 2/09/2005

mabalinen ti pumalanca 2005

palanca
ala, appo mamannurat, naluktan manen ti pasalip ti carlos palanca awards ita a tawen, rugianyon ti agputar kadagiti pakipallotyo a sarita, daniw, salaysay, novela (wen, lukat ti novela ita a tawen), drama, teleplay, screenplay. iluko, tagalog (filipino kano), english, hiligaynon ken cebuano.

wenno ipatulodyon dagiti adda nga ul-ulsan, palpaluomen, linlinayen, paspasmok, uk-ukopan, tartaraknenyo a sinurat--ti deadline ket kas iti sigud, abril 30.

no datao met ti pagdamaganyo, mabalin a pumalancaak met ngata manen, a, ita a tawen. nakasanayan metten a nasakit ti nakem datao no di makasalip iti uray lang palanca (ta diak met makasalsali unayen kadagiti nagadu a salip ita iti iluko). no awan masurat a baro a piesa, ulitekto ngata manen nga isalip dagiti lebbenko a manuskrito. ta mabalin met latta ket ti agulit-ulit. awan met ti pawil kadayta agulit iti pagannurotan. naimas ti ulit-ulit wenno sublisubli, kunam sa! rasonko la dayta met, a, ta nasadutak nga agsuratsurat itan, hehehe! kanayon a rugi, adu ti pangtedko a suraten a no mano a tawenen a di masangsango ken maiwakwakas. isu a pambaran la no kuan a yulit-ulit nga ibuson dagiti entry. tapno makuna la a simmalip met, a, datao. tapno adda met makuna, a, nga ur-urayen uray agkaraabak latta met datao. no kua, naimnas ti rikna a nakisalipka uray man no naabakka. mangabakkanto latta met ngata, manen, a. mangabakka sagpaminsan, ay, nakaim-imasen a biag-mannurat uray man mamin-adu a maab-abakka!

ulit-ulit, makulit kunkuna la ngatan dagiti jurado, aya? uray man ta agbaliwbaliw met dagiti agjurado. ammoyo kadi a dagiti dua a saritak (iluko, 1999 ken filipino, 2001) a pinangabakda met piman ket nayulit-ulit a naisalip dagidiay? naasianda ngata, hehe! ngem saan met ngata a por kaasi lang, a. ammoyo kadi a ni isidoro m. cruz (mannaniw ken propesor a nakabase iti iloilo, ken kabatchko iti u.p. national writers workshop idi '96) ket naminsangapulo (10x) kano nga inyulit-ulitna nga insalsalip ti entryna a poems? wen, ket iti maika-10 a panangisalipna, nangabaken--iti first prize pay kunam man! uray ni dr. leoncio deriada a hall-of-famer itan iti palanca, imbagana idi (iti columnna iti homelife) nga ulit-ulitenna nga iserserrek dagiti entryna a naabak iti naglabas a salip. isu a saan a dakes ti agulit-ulit. aglalo no agtalekka iti dayta nga obram. ken kaniak, aglalo no awan ti sabali a maisalip, hehehe!

kadagiti mayat a makipalanca, downloaden itan ti pagannurotan, entry form ken authorization form ti palanca 2005.

no adda gasgasattay' ita a tawen, agkikitatayonto idiay manila peninsula hotel inton sardam ti setiembre 1, hehehe!


lagipladawan 1

awan latta maikur-it. naraytersblak sa pati panagkanablaagen. isu a kabayatan man ti panangam-amloy iti aamloyan ti agpaspasidumri a regget ti kur-it ket adtoy nga agipabuyaak pay laeng iti sumagmamano a ladawan, daan a ladladawan. a makapalagip iti di malaglagip.

di bumurong a kadagiti pada a gumugumil, makipaglagip kaniak no makitada ti dadduma kadagitoy nga ala.


circa 1993. kombension ti gumil filipinas idiay
san fernando city, la union: kanigid a linia: jefferson apololonio,
nelson daligcon (nalingdan), ken clarito de francia (nalingdan);
kanawan a linia, sango agpalikud: daniel nesperos, oswald valente,
roy v. aragon. adda iti pungto ni john b. buhay (naka-green shirt),
kaabayna ni daydi apo pacifico dibad doles.



1995. san fernando city, la union, GF convention met laeng. agpakanawan:
mary jane g. daligcon (aragon itan), maelany binbinon, judy cajigal,
oswald valente (sarsarigsiganna idin ni judy, hehe! [ngem dida met
nagkatuluyan!]), ken joel bagasol.



baguio city, 1996. sumagmamano kadagiti writing fellows iti u.p.
national writers workshop: nakatugaw, agpakanawan: richard gappi,
jose beduya, erick abad, alvin yapan, ken gil mendoza (nalingdan).
likud: khan (khavn itan) de la cruz ken roy v. aragon