mannurat.com mannurat.com mannurat.com mannurat.com mannurat.com mannurat.com

mannurat.com 11/17/2004

express daniw, padasek man

padasek man ti dumiretsa nga agdaniw ditoy. express. impromptu. bareng mayat. ta adda nakatignayan rikna. di maliklikan. sidir iti konsensiak no diak man la irekord wenno komentuan daytoy a pagteng. panablaagek koma ngem apay a diak daniwan? mas expressive no daniw, kunak man. expressive a pangipeksa, express a dinadaras, quickie mode. kitaek man ti samayna. tingitingek man no kabaelak ti sinoshorttime wenno ala-fastfood a panangikur-it iti rikdaniw...


asukar

Over 100 sugar mill workers in Tuesday’s riot at Hacienda Luisita in Tarlac are facing charges of alleged assault, illegal assembly inciting to sedition, and malicious mischief at the city’s fiscal’s office... xxxx The charges were filed after fighting erupted following a breakdown in negotiations for higher pay and the reinstatement of terminated workers. At least seven people were killed and hundreds injured in the clash at the plantation owned by former president Corazon C. Aquino’s family.
Breaking news, INQ7.net
04:24pm (Mla time) Nov 17, 2004

anian a kinaironia daytoy ta isalbada nga isubli dagiti duyok?
siasino kadi ti nasken nga agikaro iti angaw dagiti putok,
iti darum dagiti immalsem a bennal ken iti pakaasi dagiti asukar?
ania ti katukad ti napugsat nga anges iti pagarian dagiti antutungal?
ania ti kaimudingan ti naibelleng nga innapuy iti encomienda dagiti ampipit,
ania nga ulpit ti nasken a pangisualit kadagiti kumkumpet iti kampit?

ay, adda kadi pateg ti maysa a ninoy a bannuar
no di laeng lima gasut a pisos a nakatapaya iti tallaong dagiti bunar?
ay, adda kadi arte iti arte-arte ti maysa a kris a taklesa
no di laeng kas panagputa iti salonan dagiti ilado a kallaysa?
ay, adda kadi, aya, serbi ti lualo ken rebulto ti maysa a cory a duyaw
no di laeng kas ar-arak iti baki ti balitok dagiti obispo ti lusiaw?

ngem fiesta dagiti salaksak ken uwak, banias ken musang
abunaw ti dara, agkaragilap dagiti partaan, agatibuor ti dagaang
ti sam-it iti daga a kimraang, ti pait iti naasukaran a leddaang
ay, piman dagiti naiwarsi a lasag ken utek ken tulang
ay, wen, piman dagiti nailangalang nga anges ken dallang
ay, dinto man maiwaksi ti panes ti mendiola ken namulandayan
agari ket agari-ari latta ti pasista a buli ken pulbora iti man kaunasan,
kapagayan, kanatengan, kabakiran, kaciudadan, malakaniang
maulit-ulit, maulit-ulit ti pasion ken trahedia, ti pandanggo ken chacha
dagiti nakabotas ken nakakombat, dagiti nakapatig ken nakakamoplads
ay, dinto man maiwagat ti raas ti mannibrong, ti gatel ti kurimaong
ti uttog ti tirong iti tagapulot, bagas, galunggong ken bugguong
ay, dinto man maunas ti panagem ti birkog a tadem ken lidem

ania a dulce kadi ti nasken a maidaton tapnon mapnek ti tig-ab
dagiti dios ken padidios nga encargado iti kalintegan ken karbengan?
ania a sinam-it ti nasken a maisagut tapno mamsek ti siesta
dagiti encomendero ti sinanwayawaya ken propitario ti sinanjusticia?
naasukaran a sao ti kari ti asukar
di mamingga ti pakasaritaan a mawarwar
agud-uddog ti riribuk, dumulduldog ti rungsot
agkaiwara latta dagiti pabaur ken palab-og
nadiruan latta dagiti puraw a bitla, nagtagirosas latta dagiti posas
nakasutana latta iti pirak ken bituen dagiti rapas a balikas
iti
asukarera ti ganggandiong a panagtagibalay
dagiti haciendero ken comprador ti panagturay


ngem dinto met agpatingga dagiti salog, dagiti unas a maimula
dinto met agpatingga a makisacada dagiti ling-et ken lua
daradaranto latta dagiti makemkem a gemgem, dagiti maitag-ay a panabas
ay, dinto mabual ti bantay arayat, dinto makir-in ti pamulinawen nga ayat
addanto latta puso ti pulso, addanto latta rubrob iti barukong
addanto latta ti beggang ti gera, addanto latta ti dangadang iti nakem



5 makuna:

idi 9:32 a. m., noviembre 18, 2004, Blogger Alexander Martin Remollino nakunana...

ka sadir,

salamat sa pagbabasa ng tula ko tungkol sa hacienda luisita. mbuti at nagustuhan mo, at nagustuhan din ni ka abet. balitaan mo ako kapag natuloy ang salin nito sa tagalog ha. :)

 
idi 5:33 a. m., noviembre 19, 2004, Blogger abril nakunana...

ayos, lakay! mayat,mayat 'toy on the spot a daniwmo.

 
idi 7:37 a. m., noviembre 19, 2004, Blogger ting-aling nakunana...

salamat ti panagbisitam Manong. Adda ti am-ammuk nga mannurat idi ti Bannawag. Ti nagan na ket Bagnos Cudiamat. I don't think he knows me personally though. I have a better Iloko Pinakbet now but please do not say it is fake Iloko Pakbet..okey?

 
idi 1:24 p. m., noviembre 19, 2004, Blogger joel nakunana...

ay anian, dayta man ti modelo a daniblag, rikdaniw subgenre, pagayam roy!quickie mode, he he. the filipinos are worth killing for, my goodness!ironia a talaga to the nth degree!ikkam man pay.

 
idi 12:53 p. m., noviembre 20, 2004, Blogger rva nakunana...

agyamanak, gagayyem, mga kasama!

bareng makadaniwakto manen, a, iti kastoy...

ken ni ting-aling: pimmusay itay nabiit lang ni apo bagnos cudiamat. nalaing fiksionista ken novelista, dakkel a pukaw iti literatura iloko ni apo cudiamat. dinto malipatan da "uliteg sergio" ken "celin" a karaktersna.

 

Publicar un comentario

<< Home