mannurat.com mannurat.com mannurat.com mannurat.com mannurat.com mannurat.com

mannurat.com 3/10/2006

rilke

maysa pay kadagiti pavoritok a mannaniw ni rainer maria rilke, maysa nga austrian ngem ad-adda a naglatak kas mannaniw iti pagsasao nga aleman. adda pagkaarngian dagiti daniw, panagdandaniw ken dandaniwen ni rilke kadagiti obra da lorca ken neruda. nangruna iti ayat. nangruna pay iti patay ken ipapatay. ngem sabali ketdi ti estilo ni rilke kadagiti temana. saan a surreal a kas ken ni lorca wenno natural a kas ken ni neruda. mas realista ken nalalag-an ti panagyablat ni rilke iti rikna ken rikriknaen. simple, pero rock a kunada.

pinadasko nga impatarus ti maysa a nalatak a daniw ni rilke. adtoy man:

Panagbuggo iti Bangkay

Nairuamdan kenkuana. Ngem idi
dimteng ti pagsaingan ket di makaidna a nagrubrob
iti nasipnget nga alunapet, ti di am-ammo nagbalin
a naan-anay a di am-ammo. Binugguanda ti tengngedna,

ket iti dayta awan pulos pamalatpatanda iti istoriana,
nagpartuatda kadagiti sarsarita nga is-isuda,
kabayatan nga bugbugguanda. Naguyek ti maysa
ket imbatina ti nadagsen nga espongha a napnot' suka

iti rupa. Idi kuan orasnan a ti maikadua
ket agsardeng. Manipud iti natibker a brutsa,
natnag iti daga dagiti tedted; bayat a ti simkil
a pimmuraw nga imana kayatna a paneknekan iti amin
a bumalay a saannan a masapul pay ti danum.

Ket daytoy pinaneknekanna. Intuloyda manen ti trabahoda
nga ad-adda nga agdardarasda, a kas man la 'tay naapput ida,
itan addaan iti uyek, ket iti kasta iti diding
dagiti nakarukob nga anniniwanda kinawikaw ken linukotda

ti bagbagida iti umel a tagilanga a kas iti iket,
agingga a nalpasen ti panangbuggoda.
Ti rabii nga immay babaen dagiti awanan kurtina a tawtawa
ket awanan asi. Ket isu nga awanan nagan nakaidda
sadiay, silalamolamo ken nadalusanen, ket nangted iti bilbilin.


1 makuna:

idi 11:17 a. m., marzo 13, 2006, Blogger ariel nakunana...

Dear Roy,
You are one of the "bestest" Ilokano translators there is. Salute!
Manong A

 

Publicar un comentario en la entrada

<< Home