pinnalancaan 2006

panawen manen ti panagisaganaan ti maipalanca a sinurat, kadagitay pada dita a mamannurat a naayat a makinkonkontes, makipalpalanca a tinawen. asideg manen ti deadline ti panagisumitean iti entri, abril 30. no nalinayyon dagita pakisalipyo, ipatulodyon. iti man koreo, courier wenno email. imbag ketdi ta mabalin iti email ket dayta la mangiattach iti manuskriton a pakisalip iti email, zingggg, napanen, mabalin uray samto la ipatulod iti last two minutes ti deadline (agingga iti 12:00 ti tengnga't rabii kano).

ala, kayatko koma met ti agisambot iti pakisalip uray man ta adda pay met nasurok a makabulan a panagisagana. ngem awan man la gagagetak met itan nga agsurat. sapay nagadu met koma ngaruden ti mabalinko a rugian. wenno leppasenen. wenno idalus. baginto man la umap-apalen inton panawen ti panagtagiuray iti resulta ti salip inton maudi a lawlawas ti agosto, sakbay ti tradisional nga awarding iti setiembre 1.

madanaganak ta diak sa metten ammo ti agsurat, apo met. maysaak san a laos a mannurot. maysaak san a pulpol a mannurat.

ala, adtoy ti annuroten ken dagiti formulario ti palanca 2006, downloadenyon, kakadua:

• Palanca 2006 Rules of the Contest


• Palanca 2006 Entry Form


• Palanca 2006 Authorization Form

awisendakto lattan iti paala wenno blowoutyo, kakadua, no mangabakkayo.